台語詩歌第105首-我欲返去

1
出外的囝仔有啥人來疼？
天頂的月娘照著孤單的形影。
想起彼時陣，厝內快樂的歌聲。
為怎樣我會心肝痛？
世事多變化像眠夢一般，
不知欲安怎感有燈光導阮行。
想起彼時陣，你惦背後叫著我：
緊返來！我的寶貝子。
趕緊返去！我欲趕緊返去！
無愛擱過流浪的日子。
趕緊返去！我欲趕緊返去！
有永遠的愛佇阮身邊。
你會歡喜攬住我，
你會把我疼命命。
因為你是我的天父阿爸！
你是我的天父阿爸！