台語詩歌第045首-若是有祢佇阮的生命

1
若是有你佇阮的生命，阮就永遠未驚惶。
風雨些呢大，曠野這呢闊，有你同在未搖泏。
若是有你佇阮的生命，阮就永遠未孤單。
有你相作伴甲主鬥陣行，充滿溫暖未畏寒。
海水會乾，石頭會爛，你的痛疼無變換。
甘願為阮受盡拖磨，將阮當作你心肝。
海水會乾，石頭會爛，你的痛疼無變換。
恩典這大怎樣感謝？一生甲主黏相偎。