台語詩歌第013首-感謝你的愛

1
主耶穌我感謝你，你的痛疼是這呢甘甜，
赦免我一切過失，將我的罪全部洗清氣。
我跋倒你安慰扶持，我軟弱你體諒醫治。
有你的同在我未擱空虛，
甲你作伙行學習你的卑微。
副
心愛的救主，我甘心願意，將我自己交給你。
你的慈愛未凍擱比，我一世人愛著你。
2
主耶穌我感謝你，為著救我你放撒自己。
來成全神的公義，給我得到平安甲福氣。
我憨慢你引導教示，我為難你看顧保庇。
有你的日子我真正歡喜，
因為你的愛永遠未過去。