台語詩歌第001首-至好朋友就是耶穌

1
至好朋友就是耶穌！擔當罪過和煩惱；
真正咱有大大福氣，萬事攏通對伊討。
心肝常常失落平安，定定掛慮艱苦事；
這是由咱未有深信，未有放心交託主。
2
敢採遇著憂悶試煉，抑是甚麼大煩惱，
的確不倘常常失志，當將逐項來祈禱，
敢有朋友到即盡忠，甘願體貼萬災禍，
耶穌知咱心的軟弱，將這苦事來祈禱。
3
設使厭懶攏無氣力，親像挑擔要跋倒，
至大救主咱倘親近，萬事攏通對伊討，
朋友若有看輕厭賤，倘將這事來祈禱，
主會用手遮截保護，心通安然免煩惱。